Испания чемпионатининг сўнгги турида «Овьедо» ўз майдонида «Мальорка»га 0:3 ҳисобида мағлуб бўлди. Ушбу натижадан сўнг астурияликлар олий лигани тарк этишга мажбур бўлдилар.

Ушбу ўйин клуб фахрийси Санти Касорла учун ҳам омадсиз якунланди. У Испания олий лигасининг энг қадимий рекордларидан бирини янгилаш имкониятини қўлдан бой берди. Агар Касорла ушбу баҳсда гол урганида, у Испания чемпионати тарихидаги энг кекса гол муаллифига айланарди.

Ҳозирча бу рекорд бразилиялик Донато Гама да Силвага тегишли бўлиб турибди. У 2002/2003 йилги мавсумда «Депортиво» сафида 40 ёш, 4 ой ва 17 кунлик пайтида гол киритишга муваффақ бўлган эди.

Эслатиб ўтамиз, Санти Касорла жорий мавсум якуни билан ўз профессионал фаолиятини якунламоқда.