Мадриднинг «Реал» клуби ҳужумчиси Винисиус Жуниор жамоа бош мураббийи лавозимини тарк этган Альваро Арбелоа билан хайрлашди. Ла Лиганинг сўнгги 38-турида «Атлетик» Бильбаога қарши кечган шанба кунги ўйин испаниялик мутахассис учун «қаймоқранглилар» бошқарувидаги сўнггиси бўлди.

«Ишонч ва меҳр учун раҳмат. Келажакда сизга фақат энг яхши тилакларни тилайман», – деб ёзди Винисиус ижтимоий тармоқларда Арбелоага мурожаат қилиб.

«Раҳмат, Вини. Фидойилигинг, меҳнаткашлигинг, истеъдодинг ва жасурлигинг учун. Ҳеч қачон ўзгарма. Сени бошқариш мен учун шараф эди», – дея мураббий жавоб қайтарди.

«Реал» ва «Атлетик» ўртасидаги учрашув мадридликларнинг 4:2 ҳисобидаги ғалабаси билан якунланди. Бразилиялик ҳужумчи жароҳати туфайли ушбу ўйинни ўтказиб юборди.