«Арсенал» сардори Мартин Эдегор Премьер-лига мавсумини сарҳисоб қилди. «Арсенал» 22 йил ичида илк бор Англия чемпионига айланди.

«Ростини айтсам, буни таърифлашга сўз ожиз. Бу жуда ўзига хос ҳодиса бўлди. Бунинг ортида кўплаб ҳиссиётлар ва улкан меҳнат ётибди. Жуда ҳиссиётларга бой, лекин ажойиб кун ва беқиёс ютуқ», — деди Эдегор Sky Sports нашрига берган интервьюсида.

«Ҳар доим шубҳалар ва якунда ҳеч нарса чиқмай қолишдан қўрқиш бўлади, лекин бизда ўзимизга бўлган ишонч бор эди. Ҳатто мавсумнинг энг оғир дамларида ҳам биз ҳақиқатан ҳам бирдам бўлдик».

«Бизда ўша ишонч бор эди. Биз курашда давом этдик ва якунда ўз мақсадимизга эришдик. Бу эса барчасини янада яхшироқ қилди».

Сўнгги турда «Кристал Пэлас»ни мағлуб этган Микел Артета шогирдлари «Манчестер Сити»дан 7 очколик фарқ билан биринчи ўринни эгаллади.