Пеп Гвардиола «Манчестер Сити» бош мураббийи сифатидаги сўнгги ўйинидан сўнг жамоа мухлисларига мурожаат қилди.
«Мен ҳозир жуда ҳаяжондаман. Мени нега бунчалик яхши кўрасизлар? Нима учун менга нисбатан бундай муносабатдасизлар?
Мен бундай меҳрни ҳеч қачон тасаввур қилмагандим, бу шунчаки ақлбовар қилмас ҳолат. 10 йил давомида мураббийингиз бўлиш мен учун улкан шараф эди. Ҳиссиётлар жуда кучли.
Бугун трибуналарда отам ўтирибди, у 95 ёшда — вау! Балки у ҳаммасини тушунмаётгандир, лекин ишонаманки, кўп йиллар ўтиб, бу гўзал трибуна менинг оилам номи билан аталади. Бу ҳаммасидан ҳам ортиқроқ шараф. Футболчилар бу ҳақда билмайди, лекин мен ўша ерда бўламан ва уларни кузатиб бораман! Уларнинг зиммасида жуда катта масъулият бор — бу даражани сақлаб қолиш. Умид қиламанки, улар курашади, курашади ва яна курашади.
Бу менинг уйим. Агар келаси йилларда мени кўчада ёки «Этиҳад»да кўриб қолсангиз, агар «Ман Сити» мухлиси бўлсангиз — олдимга келинг. Бу клубни ифода этиш мен учун улкан шараф эди. Ҳар бир қароримни клубнинг манфаати йўлида қабул қилдим. Мен сизларни жуда қаттиқ яхши кўраман. Бу жуда мароқли эди», — деди испаниялик мутахассис.
