«Манчестер Юнайтед» сардори Бруну Фернандеш ўз ватандоши Бернарду Силванинг «Манчестер Сити»дан кетишига муносабат билдирди. Якшанба куни «шаҳарликлар» ярим ҳимоячиси клубдаги сўнгги ўйинини ўтказди – ёзда у эркин агентга айланади.
«Табриклайман, дўстим! Сен нафақат ўз клубингдан, балки бутун Премьер-лигадан келадиган бу эътирофга лойиқсан. Сен Португалия байроғини юқорига кўтардинг, бунинг учун сендан миннатдормиз. Мен майдондаги бизнинг рақобатимизни соғинаман», — деди Фернандеш.
Бернарду Силва «Манчестер Сити» сафида тўққиз йил давомида тўп сурди ва шу вақт ичида олти карра Англия чемпиони бўлди.
