Мураббий Женнаро Гаттузо Италия терма жамоасидан кетганидан сўнг ишга қайтишга шошилмаяпти. 48 ёшли мутахассисни ишга олишга «Торино» клуби қизиқиш билдирган эди – музокаралар ҳақидаги маълумот май ойи бошида пайдо бўлганди. Инсайдер Николо Скиранинг янгиланган хабарларига кўра, томонлар келишувга эриша олмадилар – мутахассис «буқалар»нинг таклифини рад этди.

Женнаро Гаттузо «скуадра адзурра» бошқарувидаги лавозимини апрель ойи бошида, Жаҳон чемпионатига йўлланма берувчи плей-офф финалида Босния ва Герцеговина терма жамоасидан учралган мағлубиятдан кўп ўтмай тарк этган эди. «Торино» якунига етган А Серия мавсумини 12-ўринда якунлади. Сўнгги турда Роберто Д’Аверса бошқарувидаги жамоа (унинг шартнома муддати тугамоқда) «Ювентус»га қарши кечган дербида мағлубиятдан қутулиб қолди (2:2).