Murabbiy Jennaro Gattuzo Italiya terma jamoasidan ketganidan so‘ng ishga qaytishga shoshilmayapti. 48 yoshli mutaxassisni ishga olishga «Torino» klubi qiziqish bildirgan edi – muzokaralar haqidagi ma’lumot may oyi boshida paydo bo‘lgandi. Insayder Nikolo Skiraning yangilangan xabarlariga ko‘ra, tomonlar kelishuvga erisha olmadilar – mutaxassis «buqalar»ning taklifini rad etdi.

Jennaro Gattuzo «skuadra adzurra» boshqaruvidagi lavozimini aprel oyi boshida, Jahon chempionatiga yo‘llanma beruvchi pley-off finalida Bosniya va Gersegovina terma jamoasidan uchralgan mag‘lubiyatdan ko‘p o‘tmay tark etgan edi. «Torino» yakuniga yetgan A Seriya mavsumini 12-o‘rinda yakunladi. So‘nggi turda Roberto D’Aversa boshqaruvidagi jamoa (uning shartnoma muddati tugamoqda) «Yuventus»ga qarshi kechgan derbida mag‘lubiyatdan qutulib qoldi (2:2).