AS нашри журналисти Хави Мигелнинг хабар беришича, Испания терма жамоаси мураббийлар штаби ёш иқтидор эгаси Ламин Ямалнинг жисмоний ҳолатига алоҳида эътибор қаратмоқда.
Терма жамоанинг асосий мақсади — Ламин Ямални 27 июнь куни Уругвай терма жамоасига қарши ўтадиган гуруҳ босқичидаги ҳал қилувчи учинчи тур учрашувига 100 фоиз тайёр ҳолатга келтиришдан иборат.
Мураббийлар жамоанинг асосий таркиби ва ўйинчиларнинг функционал ҳолатини Жаҳон чемпионатининг кейинги, яъни плей-офф босқичларида максимал даражада фойдаланиш учун режалаштирмоқда. Ушбу стратегия доирасида Ямалнинг соғлиғи ва тикланиш жараёни шифокорлар ва мураббийлар назоратида турибди.
Испаниялик мухлислар Ламин Ямалнинг мусобақанинг энг муҳим паллаларида жамоасига ёрдам бера олишига катта умид боғлашмоқда.
