«Арсенал»нинг собиқ дарвозабони Йенс Леманн Чемпионлар Лигаси финали олдидан «канонирлар»нинг ҳозирги посбони Давид Райяга илтимос билан юзланди.
Лондонликлар 30 май куни ЕЧЛ финалида ПСЖга қарши майдонга тушадилар.
«Илтимос, бизга яхшилик қил ва Чемпионлар Лигаси финалида тўлиқ 90 дақиқа ўйна... Қизил карточка ола кўрма! Агар сизлар Чемпионлар Лигасида ғолиб чиқсангиз, мухлисларга биз вақтида бера олмаган нарсани тақдим этган бўласиз. Мен 2006 йилги финалда майдондан четлатилганим сабабли ишончни оқлай олмаганман», — деди Леманн Райя билан суҳбатда.
Маълумот учун: 2006 йилги ЕЧЛ финалида «Арсенал» «Барселона»га 1:2 ҳисобида имкониятни бой берган эди. Ўшанда Леманн 18-дақиқада Самюэль Это’Ога нисбатан ишлатган қўполлиги учун майдондан четлатилганди.













