«Барселона» ҳужумчиси Ансу Фати яқин ҳафталарда ўз келажаги борасида бир қарорга келиши керак. Футболчи ўтган мавсумни ижара асосида «Монако»да ўтказиб, анча муваффақиятли иштирок этди.
Barca Universal нашрининг қайд этишича, дастлабки қадам «Монако»га боғлиқ: клуб футболчини 11 миллион еврога сотиб олиш ҳуқуқидан фойдаланиш-фойдаланмасликни ҳал қилиши лозим. Шу билан бирга, ушбу жараёнда 23 ёшли ўйинчининг хоҳиши ҳам катта аҳамиятга эга бўлади.
Франция Лиги 1 баҳсларида 12 та гол урган «Барселона» академияси битирувчиси ўзига бир нечта жозибадор таклифлар бўлишини кутмоқда. Фатининг шахсий истаги — «Барселона»га қайтиш, бироқ у жамоа бош мураббийи Ханси Фликнинг режаларига кирмаётган кўринади.
Бир неча кун аввал «Севилья» футболчининг хизматларига жиддий қизиқиш билдираётгани маълум бўлди. Бироқ шуни таъкидлаш жоизки, жамоанинг келажаги ҳали мавҳум бўлиб қолмоқда.
Серхио Рамос Фатини жамоанинг қолган қисмини шакллантириш мумкин бўлган марказий юлдуз деб ҳисоблайди ва унинг «Five Eleven Capital» гуруҳи клубни сотиб олиш жараёнини якунлаш учун молиявий кафолатлар тақдим этиши керак.
