Икки вазн тоифасида собиқ UFC чемпиони Конор Макгрегорнинг менежери Оди Аттар, нима учун ирландиялик спортчи Майкл Чендлерга қарши жанг қилмагани ва Оқ уйда бўлиб ўтадиган «UFC Freedom 250» турнирини ўтказиб юборишига изоҳ берди.
«Конор ҳамиша ўз мероси ва фаолияти учун мантиққа эга бўлган жангларни танлайди. Ўша босқичда Чендлерга қарши жанг у қидираётган нарсани бера олмасди. Оқ уйдаги турнирга келсак, бу вақт ва тўғри рақиб танлаш билан боғлиқ масала эди. Биз таклифни ҳурмат қиламиз, бироқ режаларимизда бошқа устувор вазифалар бор эди. Ҳозирда Макгрегор Макс Холлоуэйга қарши жанг билан қайтмоқда ва бу чақирув уни ҳақиқатан ҳам мотивация қилмоқда», — дейди Аттар AOL порталига берган интервьюсида.
