Испания терма жамоаси бош мураббийи Луис де ла Фуэнте Жаҳон чемпионати-2026 учун эълон қилинган таркибда «Реал» футболчилари йўқлигига изоҳ берди.
Бугун терма жамоанинг мундиал учун якуний таркиби маълум бўлди ва унда «қироллик клуби» вакилларидан бирортаси ҳам ўрин олмади.
«Мен ўйинчиларнинг қайси клубдан эканига қараб ўтирмайман. Мен баъзи мухлисларга хос бўлган ҳудудий протекционизм тарафдори эмасман. Мен учун бунинг аҳамияти йўқ.
Мен ҳеч кимга маслаҳат бера олмайман, мен фақат ўйинчилардан бу мамлакат либосининг қадрини ҳис қилишларини сўрайман, улар буни аллақачон бажаришаётганига ишонаман», — деди де ла Фуэнте.
