Испаниялик футболчи фаолиятини Мадриднинг «Реал» клубида давом эттириши мумкин.
Лондоннинг «Арсенал» клуби 22 ёшли инглиз ярим ҳимоячиси Алекс Скотт билан шартнома имзолаш имкониятини кўриб чиқмоқда. Бу ҳақда TEAMtalk нашри ёзмоқда.
Инсайдерларнинг таъкидлашича, лондонликлар Скоттни Субимендининг ўрнини босувчи футболчи сифатида кўришмоқда. Аввалроқ, Мадриднинг «Реал» клуби испаниялик ярим ҳимоячини (Субимендини) ўзларининг асосий трансфер мақсадларидан бири деб ҳисоблаётгани ҳақида хабар берилган эди.
Скотт 2023 йилдан бери «Бристоль Сити»дан ўтганидан сўнг «Борнмут» шарафини ҳимоя қилиб келмоқда. Ушбу мавсумда инглиз ярим ҳимоячиси клуб сафида 39 та ўйин ўтказиб, 4 та гол урди ва 1 та голли узатмани амалга оширди.
