Нидерландиялик 29 ёшли ярим ҳимоячи Френки де Йонг Ханс-Дитер Флик бошқарувидаги жамоада ўз ўрнига эга эмаслигидан тобора кўпроқ хавотирда. Футболчи каталонияликлар устози унга энди тўлиқ ишонмаётганидан қўрқмоқда. Шу сабабли, агар келгуси мавсумда майдонда ўтказиладиган вақти камайишда давом этса, де Йонг жамоадаги келажаги ҳақидаги қарорини қайта кўриб чиқиши мумкин. Бу ҳақда El Nacional хабар бермоқда.
Куни кеча журналист Фабрицио Романо де Йонгнинг ёзда клубни тарк этмаслиги ҳақидаги сўзларини келтириб ўтган эди. Бироқ инсайдерларнинг янги маълумотлари шуни кўрсатмоқдаки, ярим ҳимоячи аллақачон фаолиятини давом эттириш учун муқобил вариантларни кўриб чиқишни бошлаб юборган.
Френки де Йонг 2019 йилда "Аякс"дан "Барселона"га ўтган эди. Жорий мавсумда ярим ҳимоячи клуб сафида 38 та ўйин ўтказиб, 1 та гол урди ва 8 та голли узатмани амалга оширди.
