«Арсенал» бош мураббийи Микель Артета ўз жамоасининг кучига ишончи комил. Испаниялик мутахассиснинг фикрича, «канонирлар» бўлажак Чемпионлар лигаси финалида «ПСЖ»ни мағлуб эта олишади.
«Шанба куни биз Европа чемпионларига айланамиз!» — Артетанинг бу сўзларини The Touchline нашри келтирмоқда.
Эслатиб ўтамиз, ўтган ҳафтада «Арсенал» Англия чемпиони бўлган эди. «Канонирлар» 2004 йилдан бери илк бор Премьер-лига титулини қўлга киритишди.
Чемпионлар лигасининг финал учрашуви шанба куни, 30 майда Будапештда бўлиб ўтади.
