Душанба куни Хосеп Гвардиола, Бернарду Силва ва Жон Стоунснинг «Манчестер Сити»дан кетиши муносабати билан тантанали тадбирлар бўлиб ўтди.

Тадбирда Силва Стоунс ҳақида қизиқарли бир воқеани гапириб берди.

«Йигитлар, мен «Монако»да ўйнаётганимда, «Манчестер Сити»га қарши ўйинда ҳийла ишлатиб, фол ишлаб олгандим. Жон Стоунс мени «кичкина ва нимжон» деб атаган. Бизнинг муносабатларимиз шундан бошланган», — дея Силванинг сўзларидан иқтибос келтиради The Touchline.

«Манчестер Сити» ва «Монако» 2016/2017 йилги мавсумда Чемпионлар лигасининг 1/8 финалида тўқнаш келишган эди. Ўшанда монегасклар меҳмонда урилган гол қоидасига кўра кейинги босқичга чиқишган (3:1, 3:5). Жон Стоунс ва Бернарду Силва иккала ўйинда ҳам майдонга тушиб, рақиб сифатида тўқнаш келишган.