«Арсенал» ва Россия терма жамоасининг собиқ футболчиси Андрей Аршавин футбол бўйича 2026 йилги Жаҳон чемпионатига ташриф буюради.
«Мен Жаҳон чемпионатига бораман. Биринчи ҳафтадаги ўйинларни томоша қилишни режалаштиряпман. Мен учун турнир фаворитлари — Франция ва Испания. Французларда ажойиб таркиб йиғилган, Испания эса амалдаги Европа чемпиони ҳисобланади», — деди Аршавин.
Эслатиб ўтамиз, турнир 11 июндан 19 июлга қадар АҚШ, Канада ва Мексика майдонларида бўлиб ўтади.













