Туриннинг «Ювентус» клуби «Ливерпуль» билан бразилиялик дарвозабон Алиссон Бекер трансфери бўйича музокараларни бошлади.

Tuttosport нашрининг хабарига кўра, Италия клуби раҳбарияти инглизларга 5 миллион евро миқдоридаги илк таклифни юборган. Мерсисайдликлар эса 33 ёшли посбонни анча баландроқ — тахминан 20 миллион еврога баҳоламоқда.

Шунга қарамай, Туриндагилар оптимизмни сақлаб қолишмоқда ва музокаралар давомида нархни туширишга умид қилишмоқда, чунки Алиссоннинг ўзи А Серияга қайтишга қизиқиш билдирмоқда. «Ювентус» «Рома»нинг собиқ дарвозабонига йилига 4,5 миллион евро маош билан 3 йиллик шартнома таклиф қилишга тайёр.

«Ливерпуль» бош мураббийи Арне Слот эса тажрибали дарвозабоннинг кетиши жамоа ички муҳитига салбий таъсир қилишидан хавотирда. Алиссоннинг келажаги ноаниқ бўлиб турган бир пайтда, ўтган ёзда унинг ўринбосари сифатида сотиб олинган Георгий Мамардашвилининг бир нечта А Серия клубларига ижарага таклиф қилинаётгани ҳақида хабарлар пайдо бўлди.

Агар Алиссон трансфери амалга ошмаса, «Ювентус» муқобил вариантларни кўриб чиқади. Улар орасида «Фиорентина» дарвозабони Давид де Хеа ҳам бор.