«Ливерпуль» ҳужумчиси Муҳаммад Салоҳ А Серияга қайтиши мумкин. La Repubblica нашрининг хабарига кўра, мисрлик футболчига «Ювентус» жиддий қизиқиш билдирмоқда.

Турин клуби бош мураббийи Лучано Спаллетти ҳужумчини ўзининг янгиланаётган жамоасининг бош юлдузига айлантирмоқчи. Эътиборли жиҳати, Салоҳ аввалроқ (2016-2017 йилларда) «Рома»да айнан Спаллетти қўл остида тўп тепган.

Салоҳнинг «Фиорентина» ва «Рома»даги тажрибаси унинг Италия футболига мослашиши учун вақт талаб этмаслигини англатади. Унинг юқори самарадорлиги эса Салоҳни трансфер бозоридаги энг жозибадор эркин агентлардан бирига айлантирмоқда.

Эслатиб ўтамиз, Муҳаммад Салоҳ 1 июль куни «Ливерпуль»ни тарк этади. У «қизиллар» шарафини 2017 йилдан бери ҳимоя қилиб келаётган эди.