“Манчестер Сити” ҳужумчиси Эрлинг Ҳоланд Forbes талқинига кўра 25 ёшгача бўлган дунёнинг энг бой спортчиси деб топилди. Норвегиялик форвард охирги 12 ой ичида 80 миллион доллар ишлаб топган. Мазкур суммага унинг клубдаги маоши, реклама даромадлари ҳамда оммавий тадбирлардаги иштироки учун берилган бонуслар киритилган.

Рейтингнинг иккинчи поғонасидан 69 миллион доллар даромад билан баскетболчи Энтони Эдвардс жой олган бўлса, кучли учликни 61,5 миллион доллар жамғарган теннис юлдузи Карлос Алкарас якунлаб берди. “Реал” футболчиси Винисиус Жуниор эса (60 млн доллар) тўртинчи поғонани банд этган.

Forbes талқинига кўра 2026-йилнинг 25 ёшгача бўлган энг бой топ-6 спортчиси рўйхати:

1. Эрлинг Ҳоланд (футбол) — 80 млн доллар
2. Энтони Эдвардс (баскетбол) — 69 млн доллар
3. Карлос Алкарас (теннис) — 61,5 млн доллар
4. Винисиус Жуниор (футбол) — 60 млн доллар
5. Кейд Каннингем (баскетбол) — 58,6 млн доллар
6. Янник Синнер (теннис) — 54,6 млн доллар

Эслатиб ўтамиз, аввалроқ “Ан-Насср” ҳужумчиси Криштиану Роналду миллиард доллар ишлаб топган тарихдаги илк футболчига айлангани ҳақида хабар берилган эди.