Мадриднинг «Реал» клуби ярим ҳимоячиси Арда Гюлер собиқ устози Хаби Алонсодан хабар олгани ҳақида сўзлаб берди. Апрель ойида туркиялик футболчи Чемпионлар лигаси 1/4 финали доирасида «Альянц Арена»да «Бавария»га қарши кечган баҳсда «дубль» қайд этиб, ёрқин ўйин намойиш қилганди.
«Ўша ўйиндан сўнг Хаби Алонсо менга хабар ёзди — у мендан жуда фахрланишини билдирди. Буни ўқиш мен учун жуда ёқимли бўлди», — дея Гюлернинг сўзларини келтиради Madrid Xtra.
Эслатиб ўтамиз, «қироллик клуби» Мюнхенда 3:4 ҳисобида мағлуб бўлиб, Чемпионлар лигаси билан хайрлашганди. Алонсо жорий йилнинг январ ойида «Реал» бош мураббийи лавозимидан озод этилган эди. Унинг ўрнини мавсум якунига қадар жамоани бошқарган Альваро Арбелоа эгаллаганди.
