«Барселона» спорт директори Деку Маркус Рэшфорднинг якунланган мавсумдаги ўйини ҳақида фикр билдирди. Англиялик вингер ўтган кампанияни «Манчестер Юнайтед»дан ижара асосида каталонияликлар сафида ўтказди.
«Рэшфорд бизга катта ёрдам берди. У Рафинья жароҳат олган пайтларда уни муносиб тарзда алмаштира олди. Бу осон вазифа эмасди, аммо у уддалади. Маркус захирада ўтиришга ўрганмаган, лекин бу борада ҳеч қандай муаммо бўлмади — у майдонга тушганида ўзини аъло даражада кўрсатди. У яхши мавсум ўтказди ва биз у билан биргаликда Ла Лига чемпиони бўлганимиздан хурсандмиз. У бунга ўз меҳнати билан лойиқ эди», — дея Деку сўзларини келтиради BBC Sport.
Маълумот учун, 28 ёшли футболчи Ханс-Дитер Флик бошқарувидаги жамоа сафида 49 та ўйинда майдонга тушиб, 14 та гол урди ва шунча голли узатмани амалга оширди.
