«Кремонезе» ҳужумчиси Жейми Варди тез орада клубни тарк этади. А Серияда жон сақлаб қола олмаган жамоа 39 ёшли инглиз билан шартномани узайтирмасликка қарор қилди.
Журналист Низаар Кинселланинг хабар беришича, Вардининг ўзи ҳамон юқори даражада тўп сура олишига ишонмоқда ва ҳатто Англия Премьер-лигасига қайтишни режалаштирмоқда. Эслатиб ўтамиз, Италияга кўчиб ўтгунга қадар Жейми 13 йил давомида «Лестер» сафида порлаган эди.
Якунланган А Серия мавсумида Варди 29 та учрашувда майдонга тушиб, 7 та гол урди ва 3 та голли узатмани амалга оширди.
