Мадриднинг «Реал» клуби ҳужумчиси Винисиус Жуниор амалдаги шартномасининг муддати яқинлашиб қолганига қарамай, вазиятни хотиржам қабул қилмоқда. Бразилиялик футболчининг клуб билан тузган келишуви 2027 йилнинг ўрталарига қадар мўлжалланган. Шу сабабли матбуотда юлдуз ҳужумчининг жамоани тарк этиши мумкинлиги ҳақида турли миш-мишлар тарқалмоқда.
Футболчининг ўзи эса бу гап-сўзларга навбатдаги бор раддия билдирди.
«Шартномани узайтириш борасида шошилаётганим йўқ. 2027 йилгача ҳали вақт етарли – клуб билан муҳокама қиладиган жиҳатларимиз бор. Мен хотиржамман, «Реал»да ҳам вазият тинч. Флорентино Перес менга ишонади, мен эса унга ишонаман», — деб ёзмоқда журналист Фабрицио Романо футболчининг сўзларига таяниб.
Маълумот учун, Винисиус 2018 йилдан буён «Қироллик клуби» шарафини ҳимоя қилиб келади. Июль ойида футболчи 26 ёшни қарши олади.
