Туриннинг «Ювентус» клуби раҳбарияти ўз таркибини «Ливерпуль»нинг бир йўла уч нафар ўйинчиси билан кучайтирмоқчи. Бу ҳақда La Repubblica нашри хабар бермоқда.

Манба берган маълумотларга кўра, «кекса синьора» қизиқишлари доирасида қуйидаги футболчилар бор:

Ҳимоячи Эндрю Робертсон;

Ҳужумчи Муҳаммад Салоҳ;

Дарвозабон Алиссон Бекер.

Робертсон ва Салоҳ Италия гранди сафига эркин агент сифатида текинга ўтиши мумкин. Дарвозабон Алиссон учун эса Турин клуби товон пули тўлашига тўғри келади, чунки бразилиялик посбоннинг «қизиллар» билан шартномаси келгуси йилнинг ёзида якунига етади.

Маълумот учун, якунланган Серия А мавсумида «Ювентус» 69 очко билан турнир жадвалида олтинчи ўринни эгаллади.