Италиянинг «Интер» клуби ва Нидерландия терма жамоаси ҳимоячиси Дензел Думфрис 2022 йилги Жаҳон чемпионати чорак финалида Аргентинадан учраган мағлубият (2:2, пенальтилар бўйича 3:4) ҳақида фикр билдирди.
«Албатта, буни эслаш менга ҳам, нидерландиялик мухлисларга ҳам ёқмайди. Аммо бетараф мухлислар учун бу ажойиб ўйин бўлган эди. Унда худди "америкача тепаликлар"дагидек воқеалар ривожи кузатилди. Якунда Аргентина ғалаба қозонди ва янги жаҳон чемпиони бўлди. Бу биз учун аччиқ сабоқ бўлди, лекин айни пайтда бу галги турнирда мақсадимизга эришиш учун йигитларга қўшимча мотивация беради.
Мен шуни тушуниб етдимки, ғолиб бўлиш учун қатнашиш керак. Профессионал спортнинг ҳақиқати шундай: агар ғалаба қозонмасанг, сени чиқариб юборишади. Юкларингни йиғиштириб, уйингга кетишинг мумкин. Бу жуда қаттиқ дарс бўлди. Шунингдек, жараёндан завқ олиш кераклигини ҳам англадим. Сиз у ерда мухлислар билан биргасиз. Барча энг яхши натижага эришмоқчи, аммо кейинги босқичга ўтиш учун ҳар бир деталь мукаммал бўлиши керак. Биз шу нарсани ўргандик ва буни ўзимиз билан ушбу турнирга (ЖЧ-2026) олиб борамиз», — деди Думфрис ФИФА расмий сайтига берган интервьюсида.
