«Манчестер Сити» мураббийлар штабида фаолият юритган Пепейн Лейндерс Хосеп Гвардиола ҳақидаги фикрлари билан ўртоқлашди.
«У катта иштиёқ билан ишлайди. Ҳар куни эрталабдан кечгача банд бўлардик. У ўйин режасини тузишга худди жарроҳ юрак операциясига ёндашганидек ёндашади: ўта синчковлик билан, ҳар бир муҳим детални пинцет билан текшириб чиқади», — дея Лейндерснинг сўзларини келтиради AD нашри.
Испаниялик мутахассис Англия Премьер-лигасининг якунланган мавсумидан сўнг «шаҳарликлар» бош мураббийи лавозимини тарк этди. Гвардиола бошқарувидаги ўн мавсум давомида «Манчестер Сити» 20 та совринни қўлга киритди. Англия чемпионатининг охирги мавсумида жамоа иккинчи ўринни эгаллади.
