Transfermarkt портали 2025/26 йилги мавсум якунларига кўра Бундеслиганинг энг кўп нархи пасайган футболчилари антирейтингини эълон қилди. «Бавария» ярим ҳимоячиси Джамал Мусиала ушбу рўйхатда етакчилик қилмоқда — унинг трансфер қиймати бирданига 20 млн еврога арзонлашди.
Қизиғи шундаки, кучли ўнликдан Мусиаланинг яна уч нафар жамоадоши, жумладан, ҳужумчи Харри Кейн ҳам жой олган. Инглиз футболчисининг нархи 5 млн еврога пасайган бўлса-да, унинг статистик кўрсаткичлари ҳайратланарли: Кейн якунланган мавсумда барча турнирларда 51 та ўйинда майдонга тушиб, 61 та гол ва 7 та голли узатмани ўз ҳисобига ёздириб қўйган.
Бундеслиганинг нархи энг кўп пасайган футболчилари — топ-10 (27 май, 2026 йил):
Джамал Мусиала («Бавария») — € 100 млн (- € 20 млн).
Карим Адейеми («Боруссия» Дортмунд) — € 40 млн (- € 10 млн).
Серу Гирасси («Боруссия» Дортмунд) — € 32 млн (- € 8 млн).
Мохамед Амура («Вольфсбург») — € 20 млн (- € 7 млн).
Фабиу Силва («Боруссия» Дортмунд) — € 22 млн (- € 6 млн).
Харри Кейн («Бавария») — € 60 млн (- € 5 млн).
Альфонсо Дэвис («Бавария») — € 40 млн (- € 5 млн).
Йозуа Киммих («Бавария») — € 35 млн (- € 5 млн).
Жонатан Буркардт («Айнтрахт») — € 30 млн (- € 5 млн).
Эксекиэль Паласиос («Байер») — € 25 млн (- € 5 млн).
Мутахассисларнинг фикрича, Мусиаланинг нархи пасайишига унинг мавсум давомидаги барқарорлиги ва кутилган натижаларни тўлиқ бера олмагани сабаб бўлган бўлиши мумкин. Кейн ва Киммих каби тажрибали ўйинчиларнинг арзонлашиши эса кўпроқ ёш омили билан боғлиқ деб кўрилмоқда.
