«Милан» ҳужумчиси Рафаэл Леау трансфер бозорида катта талабга эга. Инсайдер Николо Скиранинг ҳисоботига кўра, 26 ёшли футболчига номи ошкор этилмаган иккита Европа клуби қизиқиш билдирмоқда.

Португалиялик футболчи эса ҳозирча жамоадан кетиш ниятида эмас. Ҳужумчи янги мураббий келишини ва у келаси мавсумда ўз ролини ойдинлаштириб олишини кутмоқда.

Леау якунланган мавсумда «россонерилар» сафида 31 та ўйинда майдонга тушиб, ўз ҳисобига ўнта гол ва учта голли узатмани ёздириб қўйди. Transfermarkt портали баҳолашича, футболчининг бозор қиймати 65 миллион еврони ташкил этади. Рафаэлнинг «Милан» билан амалдаги шартномаси 2028 йилга қадар мўлжалланган.