«Milan» hujumchisi Rafael Leau transfer bozorida katta talabga ega. Insayder Nikolo Skiraning hisobotiga ko‘ra, 26 yoshli futbolchiga nomi oshkor etilmagan ikkita Yevropa klubi qiziqish bildirmoqda.

Portugaliyalik futbolchi esa hozircha jamoadan ketish niyatida emas. Hujumchi yangi murabbiy kelishini va u kelasi mavsumda o‘z rolini oydinlashtirib olishini kutmoqda.

Leau yakunlangan mavsumda «rossonerilar» safida 31 ta o‘yinda maydonga tushib, o‘z hisobiga o‘nta gol va uchta golli uzatmani yozdirib qo‘ydi. Transfermarkt portali baholashicha, futbolchining bozor qiymati 65 million yevroni tashkil etadi. Rafaelning «Milan» bilan amaldagi shartnomasi 2028 yilga qadar mo‘ljallangan.