«Манчестер Сити» ярим ҳимоячиси Бернарду Силва катта эҳтимол билан фаолиятини «Барселона»да давом эттиради. Тез орада португалиялик футболчи расман эркин агентга айланади.
Журналист Хосе Альвареснинг хабар беришича, Каталония клуби 31 ёшли футболчини ўз сафига қўшиб олишга қатъий бел боғлаган. Музокаралар жуда тез суръатларда олға силжимоқда, томонлар сўнгги кунларда фаол муҳокамалар олиб боришмоқда.
Ярим ҳимоячининг ўзи бошқа вариантлари бўлишига қарамай, «Барса»га ўтиш имкониятини устувор деб ҳисобламоқда. Бернарду Силва 2017 йилдан буён «Манчестер Сити» сафида тўп суриб келаётганди. Август ойида «шаҳарликлар»нинг собиқ сардори 32 ёшни қарши олади.
