Дани Ольмонинг «Барселона»даги келажаги сўроқ остида. Diario SPORT нашрининг хабар беришича, «кўк-анорранглилар» спорт директори Деку футболчининг агентлари билан учрашув ўтказган.
Улар айнан нима ҳақида гаплашгани номаълум, аммо бу учрашув бевосита Ольмо билан боғлиқлиги тасдиқланган. Ушбу учрашувда ҳужумчи Хулиан Альвареснинг «Барселона»га ўтиши бўйича трансфер ишлари билан шуғулланаётган воситачи Хуанма Лопес ҳам иштирок этган.
Дани Ольмо 2024 йилда «РБ Лейпциг»дан «Барселона»га 61 миллион евро эвазига ўтган эди. Унинг каталонияликлар билан тузган шартномаси 2030 йилнинг 30 июнига қадар мўлжалланган.
2025/26 йилги мавсумда ярим ҳимоячи каталонияликлар сафида барча турнирларда 49 та ўйинда майдонга тушиб, саккизта гол урган ва 10 та голли узатмани амалга оширган.
