«Челси»нинг ўнг қанот ҳимоячиси Мало Гюсто якунланган мавсум ҳақида фикр билдирди. «Кўклар» мавсумнинг иккинчи ярмини муваффақиятсиз ўтказиб, еврокубоклар йўлланмасисиз қолишди. Лондон клуби Премьер-лига жадвалида атиги ўнинчи ўринни эгаллади.

«Бу мавсумдан олган таассуротларимни сўз билан ифодалаш қийин. Чуқур туйғуларим билан англайманки, ушбу ҳолатдан фойдали сабоқлар чиқариш мумкин, аммо ҳозир бу биз учун ҳам, мухлисларимиз учун ҳам жуда оғриқли. Биз кўп меҳнат қилдик ва бор кучимизни бердик, бироқ бу саъй-ҳаракатлар етарли бўлмади. «Челси» каби клуб аниқроқ каттароқ муваффақиятларга лойиқ. Қўллаб-қувватлаганингиз учун раҳмат», – деб ёзди франциялик ҳимоячи ўз ижтимоий тармоқларида.

Эслатиб ўтамиз, янги мавсум бошидан «Челси»га Хаби Алонсо бош мураббий сифатида бошчилик қилади.