Дарвозабон Филип Йоргенсен катта эҳтимол билан ёзги трансферлар вақтида «Челси»ни тарк этади. Журналист Низар Кинселланинг маълумотига кўра, швециялик посбон Лондон клуби раҳбарияти билан учрашув ўтказган. У «кўклар» хўжайинларидан ўйин амалиёти етишмаётгани сабабли уни ёзги трансфер ойнасида қўйиб юборишларини сўраган.
Филип Йоргенсен «Челси»га 2024 йилда «Вильярреал»дан 24 миллион евро эвазига ўтган эди. Унинг Лондон клуби билан тузган шартномаси 2031 йилнинг 30 июнига қадар мўлжалланган.
2025/26 йилги мавсумда швециялик дарвозабон «кўклар» сафида барча мусобақаларда 12 та учрашув ўтказиб, 17 та гол ўтказиб юборди ва битта ўйинда ўз дарвозаси дахлсизлигини сақлаб қолди. Transfermarkt портали Йоргенсеннинг трансфер нархини 15 миллион еврога баҳоламоқда.
