Тиббий кўрик натижалари «Сантос»нинг 34 ёшли ҳужумчиси жароҳати аввал айтилганидан кўра жиддийроқ эканлигини тасдиқлади. Жаҳон чемпионати-2026 учун Бразилия терма жамоасига чақирилган футболчи машғулот пайтида болдир мушагини шикастлаб олган. Дастлабки маълумотларга кўра, у 5-10 кунни ўтказиб юбориши тахмин қилинган эди.

Ge Globo нашрининг хабар беришича, пайшанба куни кечқурун футболчи тиббий кўрикдан ўтиш учун терма жамоа қароргоҳини тарк этган. Клиникада унга миллий жамоа шифокорлари ва мутахассислари ҳамроҳлик қилишган.

Терма жамоа тиббиёт бўлими раҳбари Родриго Ласмар Неймарнинг ҳолатидан хавотирда эканини билдирган, шу сабабли жамоа машғулот марказида тушкун кайфият ҳукм сурмоқда.

Маълум бўлишича, «Сантос» клуби ва терма жамоа ўртасидаги мулоқотда англашилмовчилик юзага келган. Клуб томонидан юборилган ҳужжатда жароҳат Неймарнинг машғулотларда иштирок этишига халақит бермаслиги қайд этилган эди. Бироқ аслида жароҳат оддий шиш бўлмай, футболчининг ҳолатини доимий кузатиб бориш талаб этилади.

Шу сабабли, футболчининг 1 июнь куни Панамага қарши бўлиб ўтадиган ўртоқлик учрашувида қатнашиши имконияти жуда паст баҳоланмоқда