«Интер» президенти Жузеппе Маротта ҳимоячи Алессандро Бастони атрофидаги хабарларга тўхталди. Аввалроқ, Бастони яқин ҳафталарда Мадрид клуби бошқарувини қўлга олиши кутилаётган Жозе Моуринью қўл остига ўтишга розилик бергани ҳақида маълумотлар тарқалган эди.
«Менимча, мухлисларимиз Бастони борасида хотиржам бўлишлари мумкин. У ҳеч қачон жамоадан кетишни сўрамаган, бу ерда жуда бахтли. Биз футболчиларини сотадиган клуб эмасмиз. Бастони биз билан қолади деб ҳисоблайман», — дея Мароттанинг сўзларини келтирмоқда The Touchline.
27 ёшли Алессандро Бастонининг трансфер нархи Transfermarkt портали томонидан 70 миллион еврога баҳоланмоқда.
