«Интер» ҳимоячиси Стефан де Врейнинг агенти Федерико Пасторелло мижозининг миланликлар билан шартномани узайтириш эҳтимоли ҳақидаги саволга жавоб берди.

«Бу борада «Интер» билан гаплашиб оламиз. Стефан ўзини италияликдек ҳис қилади, у «Интер»да саккиз йил, «Лацио»да эса беш йил ўтказди. Бироқ, очиғини айтсам, у менга хорижда ўйнаб кўриш истаги борлигини айтганди. «Фейеноорд» қатори «Интер» ҳам унинг жамоаси ҳисобланади. Агар шартномани узайтириш имконияти пайдо бўлса, биз бунга тайёрмиз», — дея Пастореллонинг сўзларини келтирмоқда Sky Sports.

Стефан де Врей 2018 йилда «Лацио»дан «Интер»га эркин агент сифатида ўтган эди. Унинг амалдаги шартномаси 2026 йилнинг 30 июнига қадар мўлжалланган. 2025/26 йилги мавсумда голландиялик футболчи миланликлар сафида барча турнирларда 17 та ўйинда майдонга тушди.