«Реал» ҳужумчиси Винисиус Жуниор «Фламенго»га қайтиш режалари ҳақида гапирди.

«Мен «Фламенго»га қайтаман. Лекин жуда қариган пайтимда эмас. Мен «Фламенго»ни соғинаман. Бироқ яқин 3-4 йил ичида қайтмайман — ҳали эрта. Ҳозир бор-йўғи 25 ёшдаман. Саккиз ёки тўққиз йилдан кейин қайтаманми? Йўқ, унда жуда қариб қолган бўламан. Мен «Фламенго» билан Либертадорес кубогида ғолиб чиқишим керак», — дея Винисиуснинг сўзларини келтирмоқда CazeTV.

Винисиус Жуниор «Фламенго» тарбияланувчиси ҳисобланади. У 2018 йилгача ушбу клубда тўп тепган ва кейинчалик 45 миллион евро эвазига «Реал»га ўтган. Ҳужумчи «Фламенго» сафида барча турнирларда жами 69 та ўйин ўтказиб, 14 та гол ва 5 та голли узатмага муаллифлик қилган.