«Борнмут» бош мураббийи Андони Ираола катта эҳтимол билан «Милан» ёки «Кристал Пэлас» клубларига ўтмайди.

Аввалроқ, испаниялик мутахассиснинг Милан клубига ўтиши лойиҳадаги ноаниқликлар туфайли бекор бўлгани ва у Лондон жамоасини («Кристал Пэлас») бошқариши ҳақида хабарлар тарқалган эди. Бироқ Sky Sports нашри берган маълумотларга кўра, 43 ёшли мутахассиснинг «Селхерст Парк»да иш бошлаши ҳамон даргумон бўлиб қолмоқда.

Бир қанча манбаларнинг таъкидлашича, Андони ўз режаларини барча манфаатдор томонлар, жумладан «Кристал Пэлас» билан ҳам муҳокама қилган бўлса-да, унинг янада нуфузлироқ клубга ўтиши кутилмоқда.

Sky Italy берган ахборотга кўра, Ираола фаолиятини давом эттириш учун «Байер» ва «Ливерпуль» вариантларини жиддий кўриб чиқмоқда.