"Реал" вингери Франко Мастантуоно Аргентина терма жамоасининг 54 нафар футболчидан иборат кенгайтирилган таркибига киритилган эди.
TyC Sports маълумотларига кўра, бош мураббий Лионель Скалони 18 ёшли футболчини АҚШ, Мексика ва Канадада бўлиб ўтадиган турнирга олиб кетмасликка қарор қилди. Бунинг сабаблари "соф спортга оид" бўлиб, улар мадридликлар таркибида етарлича ўйин амалиётига эга эмаслиги билан боғлиқ.
Аргентинанинг якуний таркиби жума куни эълон қилиниши керак.
Жорий мавсумда Мастантуоно Ла Лигада 23 та ўйин ўтказиб, битта гол урди.













