Маурисио Почеттино "Милан" бош мураббийи бўлиши мумкин.
The Athletic хабарига кўра, АҚШ терма жамоаси бош мураббийи ўтган ҳафта "россонери" вакиллари билан учрашган. Унинг америкаликлар билан тузган шартномаси ЖЧ-2026 якунланганидан сўнг ўз ниҳоясига етади.
Таъкидланишича, италиялик клуб янги мураббийни жуда синчковлик билан қидирмоқда. Клуб эгаси нафақат кучли жамоа қуриш, балки "Милан"ни дунёдаги энг жозибали ва қудратли футбол лойиҳаларидан бири сифатида қайта тиклаш амбициясини амалга оширишни мақсад қилган.
Клуб даражасида Почеттино "Челси", "ПСЖ", "Тоттенхэм", "Саутгемптон" ва "Эспаньол"да ишлаган. У АҚШ терма жамоасини 2024 йилдан буён бошқариб келмоқда.













