«Шарлотт» «Ланс» ҳужумчиси Аллан Сен-Максимен билан шартнома имзолаш бўйича фаол музокаралар олиб бормоқда, деб хабар беради «RMC». Томонлар келишувга эришиш арафасида турибди.

29 ёшли франциялик футболчининг амалдаги шартномаси июнь ойи охирида якунига етади, шу сабабли у Америка клубига эркин агент сифатида ўтиши мумкин.

Сен-Максимен ўз фаолияти давомида «Ньюкасл Юнайтед», «Сент-Этьен», «Ганновер», «Бастия», «Ницца», «Ал-Аҳли», «Фенербахче» ва «Америка» клублари сафида тўп сурган.

Эслатиб ўтамиз, қишда Сен-Максимен «Америка» билан шартномасини бекор қилиб, Мексикадан «Ланс»га кўчиб ўтган эди. У Франция клуби сафида 13 та учрашувда майдонга тушиб, 4 та гол урди ва 3 та голли узатмани амалга оширди.