«Реал» президенти Флорентино Перес Мадрид клубининг ҳозирги таркиби савиясига юқори баҳо берди.
«Мбаппе, Беллингем, Вальверде, Винисиус... Улар дунёнинг энг яхши футболчилари. Одамлар буни жуда яхши билади.
Яхши мураббий ушбу ўйинчилар билан бизни янги буюк даврга етаклайди», — деди Перес.
Эслатиб ўтамиз, ўтган мавсум якунларига кўра, «Реал» 86 очко жамғариб, Ла Лига турнир жадвалида 2-ўринни эгаллади. Испания чемпионлигини 94 очко билан «Барселона» қўлга киритди.













