«Манчестер Юнайтед» «Ноттингем Форест» ярим ҳимоячиси Эллиот Андерсонни сотиб олиш уринишларини тўхтатди, деб хабар беради «The Mirror».
Манбанинг маълум қилишича, 23 ёшли англиялик футболчи «Манчестер Сити»га ўтишни афзал кўрмоқда. Бундан ташқари, «қизил иблислар» ўйинчи учун тахминан 115 миллион евро тўлашга рози эмаслар.
Ҳозирда «Манчестер Сити» раҳбарияти келишувга эришиш ва рақобатчиларини ортда қолдириш имкониятига ижобий қарамоқда.
Эслатиб ўтамиз, Андерсон 2024 йилнинг июлидан буён «Ноттингем Форест» сафида тўп суриб келмоқда. Унинг клуб билан тузган шартномаси 2029 йилнинг 30 июнига қадар мўлжалланган.
2025/26 йилги мавсумда ярим ҳимоячи 50 та ўйинда майдонга тушиб, 4 та гол урган ва 5 та голли узатмага муаллифлик қилган. «Transfermarkt» портали футболчининг трансфер қийматини 60 миллион еврога баҳоламоқда.
