«Manchester Yunayted» «Nottingem Forest» yarim himoyachisi Elliot Andersonni sotib olish urinishlarini to‘xtatdi, deb xabar beradi «The Mirror».

Manbaning ma’lum qilishicha, 23 yoshli angliyalik futbolchi «Manchester Siti»ga o‘tishni afzal ko‘rmoqda. Bundan tashqari, «qizil iblislar» o‘yinchi uchun taxminan 115 million yevro to‘lashga rozi emaslar.

Hozirda «Manchester Siti» rahbariyati kelishuvga erishish va raqobatchilarini ortda qoldirish imkoniyatiga ijobiy qaramoqda.

Eslatib o‘tamiz, Anderson 2024 yilning iyulidan buyon «Nottingem Forest» safida to‘p surib kelmoqda. Uning klub bilan tuzgan shartnomasi 2029 yilning 30 iyuniga qadar mo‘ljallangan.

2025/26 yilgi mavsumda yarim himoyachi 50 ta o‘yinda maydonga tushib, 4 ta gol urgan va 5 ta golli uzatmaga mualliflik qilgan. «Transfermarkt» portali futbolchining transfer qiymatini 60 million yevroga baholamoqda.