«Милан» клуби ҳужумчиси Рафаэл Леау Англия Премьер-лигасини мунтазам кузатиб боришини ва у ерда маълум бир жамоага симпатияси борлигини маълум қилди. 26 ёшли португалиялик футболчи «Манчестер Юнайтед» жамоасига бефарқ эмаслигини яширмади.
«Менга «Манчестер Юнайтед» ёқади, чунки у ерда менинг кумирим – Криштиану Роналду тўп сурган», – дея Леаунинг сўзларини келтиради UtdReport.
Сўнгги йилларда ОАВда Рафаэл Леаунинг фаолиятини Англияда давом эттириши мумкинлиги ҳақида кўплаб миш-мишлар тарқалди ва бу рўйхатда «Манчестер Юнайтед» номи ҳам тез-тез тилга олинди. Бироқ, ҳозиргача бу борада ҳеч қандай расмий музокаралар ёки аниқлик киритилмаган.
Эслатиб ўтамиз, «Милан» форварди ҳозирда ўз терма жамоаси билан биргаликда 2026 йилги Жаҳон чемпионатига тайёргарлик кўрмоқда. У Португалия термасининг якуний таркибидан ўрин олган, қизиқарлиси шундаки, жамоа сафида унинг кумири Криштиану Роналду ҳам бор.
