Лондоннинг «Арсенал» клуби президенти Жош Кронке испаниялик мутахассис Микель Артетанинг «канонирлар» бош мураббийи сифатидаги келажаги ҳақида ўз фикрларини билдирди.
«Артетани сақлаб қолиш – бизнинг асосий мақсадимиз. Микелга «Арсенал»да ишлаш ёқади, у бизнинг лойиҳамиздан завқланмоқда. У ҳақиқий «канонир», – дея Кронкенинг сўзларини келтиради ESPN.
Англия Премьер-лигасининг ўтган мавсумида «Арсенал» чемпионлик унвонини қўлга киритди.
Эртага, 30 май, шанба куни, Лондон жамоаси УЕФА Чемпионлар лигасининг финал баҳсида Франциянинг «ПСЖ» клуби билан тўқнаш келади. Нуфузли турнирнинг ҳал қилувчи учрашуви Будапешт (Венгрия) шаҳрида бўлиб ўтади.
