Londonning «Arsenal» klubi prezidenti Josh Kronke ispaniyalik mutaxassis Mikel Artetaning «kanonirlar» bosh murabbiyi sifatidagi kelajagi haqida o‘z fikrlarini bildirdi.
«Artetani saqlab qolish – bizning asosiy maqsadimiz. Mikelga «Arsenal»da ishlash yoqadi, u bizning loyihamizdan zavqlanmoqda. U haqiqiy «kanonir», – deya Kronkening so‘zlarini keltiradi ESPN.
Angliya Premyer-ligasining o‘tgan mavsumida «Arsenal» chempionlik unvonini qo‘lga kiritdi.
Ertaga, 30 may, shanba kuni, London jamoasi UYEFA Chempionlar ligasining final bahsida Fransiyaning «PSJ» klubi bilan to‘qnash keladi. Nufuzli turnirning hal qiluvchi uchrashuvi Budapesht (Vengriya) shahrida bo‘lib o‘tadi.
