«Ботафого» клубига тегишли бўлган 25 ёшли бразилиялик ярим ҳимоячи Данило фаолиятини Европада давом эттириши мумкин. Бу ҳақда Teamtalk журналистлари хабар бермоқда.
Манбага кўра, ярим ҳимоячини ўз сафига қўшиб олишга «Милан» ва «Манчестер Юнайтед» клублари жиддий қизиқиш билдирмоқда. Бразилиялик футболчи Европа майдонларида ўйнаш тажрибасига эга – у илгари Англиянинг «Ноттингем Форест» шарафини ҳимоя қилган.
Данилонинг «Ботафого» билан тузган шартномаси 2029 йил июнь ойи охиригача амал қилади. Ҳозирда ярим ҳимоячининг бозор қиймати 32 миллион еврога баҳоланмоқда.
