«Botafogo» klubiga tegishli bo‘lgan 25 yoshli braziliyalik yarim himoyachi Danilo faoliyatini Yevropada davom ettirishi mumkin. Bu haqda Teamtalk jurnalistlari xabar bermoqda.
Manbaga ko‘ra, yarim himoyachini o‘z safiga qo‘shib olishga «Milan» va «Manchester Yunayted» klublari jiddiy qiziqish bildirmoqda. Braziliyalik futbolchi Yevropa maydonlarida o‘ynash tajribasiga ega – u ilgari Angliyaning «Nottingem Forest» sharafini himoya qilgan.
Daniloning «Botafogo» bilan tuzgan shartnomasi 2029 yil iyun oyi oxirigacha amal qiladi. Hozirda yarim himoyachining bozor qiymati 32 million yevroga baholanmoqda.
